БЕЖИЧЕН НАСОЧУВАЧ

Безжичен насочувач (англ. wireless router) е уред кој ги врши функциите на насочувач (router), но исто така има и функции на точка на безжичен пристап (WAP) и мрежен преклопник. Тие најчесто се користат за да се овозможи пристап до интернет или компјутерска мрежа, без потреба од поврзување со жица. Можат да функционираат во жичена локална мрежа (LAN), локална безжична мрежа (WLAN), или во мешана жичена/безжична локална мрежа. Најсовремените безжични насочувачи имаат следниве карактеристики:

• LAN порти, кои функционираат на ист начин како и портите на мрежниот преклопник (network switch).
• WAN порта, за поврзување со широко распростанета мрежа (WAN), обично некоја со интернет пристап. Надворешните дестинации се пристапуваат со користење на оваа порта. Ако таа не се користи, многу функции на насочувачот ќе бидат заобиколени.
• Безжична антена. Овозможува поврзување со други безжични уреди како картички со мрежен интерфејс (NICs), безжични повторувачи, безжични пристапни точки (wireless access points), безжични мостови и сл., обично со помош на Wi-Fi стандард.

Некои безжични насочувачи, исто така, вклучуваат DSL или кабелски модем во прилог на нивните други компоненти.